అభిమానులు! మీరు మారరా?

ఇది ఎందుకు చెప్పవలసి వచ్చినదంటే, పవన్ కళ్యాణ్, ఇద్దరు పిల్లలను దత్తత తీసుకున్నట్లు ఎక్కడో చదివినాను, దానికి ప్రతిస్పందించి, కొంతమంది NTR అభిమానులు మెచ్చుకున్నారు. కానీ, కొంత మంది, దానిని కూడా ఎగతాళి చేస్తూ, మీ హీరో ఏమి చేయుట లేదన్నట్లు గా జవాబు ఇచ్చినారు.

ఇక్కడ ఒక్క హీరో కి సంబందిచిన వారే కాదు, చాల మంది హీరో అభిమానులు ఇలాగే చేస్తున్నారు. ఒకరిని పొగుడుతూ ఒక పోస్ట్ లేదా ఆర్టికల్ వస్తే, అతనిని తిడుతూ, తమ హీరో ని పోగుతుంటారు.

అభిమానులు, మీకు ఒక హీరో మీద అభిమానము ఉండవచ్చు, కానీ, వేరొక హీరో మీద దురభిమానము పెంచుకోవడము ఎంతవరకు హర్షనీయము?

రాజకీయ నాయకులు ఒకరిని ఒకరు తిట్టుకుంటారు, ఎందుకంటే వారికి పదవీ కాంక్ష, ధన కాంక్ష. కానీ, వెబ్ లో తిట్టుకొనే వారికి, తమ హీరో మీద ఉన్న ప్రేమ, మిగిలిన వారిమీద ఉన్న దురభిమానము. విద్యా వంతులయిన వీరు ఇలా చేయడము వారి విజ్ఞతకే వదిలివేయాలి.